‘احتساب کا ادارہ خود احتساب کا شکار، ملک کے فیصلے کرنیوالے غیر ملکی ہیں’

کراچی: شاہد خاقان عباسی نے کہا ہے کہ احتساب کا ادارہ خود احتساب کا شکار ہے، ایک تہائی کابینہ غیر ملکی شہریوں پر مشتمل ہے، ملک کے فیصلے کرنے والے غیر ملکی ہیں، کوئی ملک بتا دیں جو غیر ملکیوں کو الیکشن لڑنے کی اجازت دیتا ہوں۔

سابق وزیراعظم شاہد خاقان عباسی نے میڈیا سے گفتگو کرتے ہوئے کہا کہ سینیٹ انتخابات شو آف ہینڈ سے ہوں، مگر قومی اسمبلی اور صوبائی اسمبلیوں کے الیکشن بھی شو آف ہینڈ سے ہوں، سپیکر سے قومی اسمبلی نہیں چل رہی تو نوکری چھوڑ دے، سپیکر قومی اسمبلی عمران خان کے دباؤ میں ہیں، سپیکر عمران خان کا دباؤ لینا چھوڑ دیں، جب تک آئین کے مطابق ملک نہیں چلائیں گے ملک نہیں چلے گا۔

شاہد خاقان عباسی کا کہنا تھا کہ جہاں قانون کی حکمرانی ہو وہاں عدم اعتماد ہوتا ہے، یہاں عدم اعتماد کریں گے تو نیب والے اٹھا کر لے جائیں گے، اربوں مالیت کا گھر اور گاڑیاں رکھنے والے ایک پیسہ ٹیکس نہیں دیتے، چیئرمین نیب کو اب تک استعفیٰ دیکر گھر چلا جانا چاہیے تھا۔ انہوں نے کہا کہ پی ڈی ایم کے ہر فیصلے کی پابندی کی اور کریں گے، پی ڈی ایم کا 11 جماعتوں کا اتحاد ایک نقطے پر قائم ہے۔

اپنا تبصرہ بھیجیں