آئمہ بیگ اور شہباز شگری کی شادی کب ہورہی ہے؟

گلوکارہ آئمہ بیگ اور اداکار شہباز شگری کا ایک ویڈیو کِلپ سوشل میڈیا پر زیرِگردش ہے جس میں دونوں اپنی شادی سے متعلق مداحوں کو بتارہے ہیں۔

گزشتہ روز لاہور کے مقامی ہوٹل میں ہونے والی ایوارڈز کی تقریب میں جوڑے نے بتایا کہ ان کی شادی کب تک ہوگی۔

ویڈیو میں دیکھا جاسکتا ہے کہ ان سے شادی کی تاریخ کے حوالے سے سوال کیا گیا جس پر شہباز شگری اور آئمہ بیگ نے کہا کہ ان کی شادی رواں سال کے اختتام تک ہوجائے گی۔
یہ بھی پڑھیں
شہباز شگری کی سابقہ اہلیہ اداکارہ عائشہ لینیا نے دوسری شادی کرلی
گلوکارہ آئمہ بیگ نے منگنی کر لی
ویڈیو میں دونوں ایک دوسرے کے ساتھ بے حد خوش دِکھائی دے رہے ہیں۔ شادی کے حوالے سے مداحوں نے دونوں کو مبارکباد پیش کی اور ان کیلئے نیک تمناؤں کا بھی اظہار کیا۔

خیال رہے گلوکارہ آئمہ بیگ نے اداکار شہباز شگری کے ساتھ مارچ 2021 میں منگنی کا باضابطہ اعلان کیا تھا، انہوں نے انگلی میں پہنی خوبصورت انگوٹھی کی تصویر شیئر کرتے ہوئے اداکار کو اپنی پوسٹ میں مینشن کیا تھا۔

اپنا تبصرہ بھیجیں