آرمی چیف سے امریکی وزیر دفاع کا رابطہ، پاکستان سے تعلقات بہتر کرنے کی خواہش کا اظہار

امریکی وزیر دفاع لائیڈ آسٹن نے آرمی چیف جنرل قمر جاوید باجوہ سے ٹیلی فون پر رابطہ کر کے پاکستان سے تعلقات بہتر کرنے کی خواہش کا اظہار کیا ہے۔

پینٹاگون کے ترجمان جان کربی نے امریکی وزیر دفاع لائیڈ آسٹن کے سربراہ پاک فوج جنرل قمر جاوید باجوہ سے ٹیلی فونک رابطے کی تصدیق کرتے ہوئے بتایا کہ دونوں شخصیات کے درمیان خطےکی سکیورٹی صورت حال اور استحکام سے متعلق مشترکا مقاصد کے حصول پر بات چیت ہوئی۔

یہ بھی پڑھیں
پاکستانی عدالتیں نااہل، حکومت کے دباؤ میں ہیں: امریکا
پاکستان امریکا سے دو طرفہ روابط جاری رکھنا چاہتا ہے، آرمی چیف
امریکا نے پاکستان سے اڈے مانگنے کے لیے ماحول بنایا ہوا تھا، معید یوسف
جان کربی نے بتایا کہ لائیڈ آسٹن نے پاکستان کے آرمی چیف سے خطے میں باہمی مفادات کے حصول کے علاوہ پاکستان سے تعلقات بہتر کرنے میں دلچسپی کا اظہار بھی کیا۔

ان کا کہنا تھا کہ امریکی وزیر دفاع اور پاک فوج کے سربراہ نے پاک امریکا دفاعی تعلقات میں وسعت پر بھی بات چیت کی۔

ترجمان پینٹاگون کا کہنا تھا کہ لائیڈ آسٹن نے جنرل قمر جاوید باجوہ سے ٹیلی فونک رابطے کے دوران افغانستان کی صورتحال، علاقائی سلامتی اور استحکام پر بھی بات کی۔

اپنا تبصرہ بھیجیں